Миний сэтгэл зүрхний мэдрэмж - Шинэ бичлэгүүд

Цаснаар-төгсгөл

Fri, 16 Oct 2009 13:06:53 +0800

Заяа алхсаар нэг л мэдэхэд өнөөх болзсон газраа иржээ. Улам лавсан орох цасанд ийш тийшээ яаран алхлах хүмүүсийн дунд өөрийг нь хүлээгээд болзоонд зогсож байгаа залуу харагдсангүй. Монгол улсын 0 цэг гэсэн жижигхэн хөшөөний хажууд гутлынхаа хоншоороор шинэхэн орсон цасыг зуран доош харан тоглон зогссоноо “Хэн ч л ирээгүй байна шүү дээ, хонгор минь, өнөөх чухал өдөр чинь энэ үү” гэж өөрийгөө шоолонгуй инээгээд хажууханд нь байх битүү цасанд дарагдсан намхан сандал руу дөхөн очисноо суух хэсгийнхээ цасыг холдуулахаар үлээхэд урдаас нь бөөн цас пурхийж нүүр нүдгүй цас болчихов. Толгойгоо сэгсрэн өөрийгөө шоолон инээж зогстол –Болзооноосоо яасан хоцордог юм бэ гэх намуухан дуу гарахад сая сэхээ орон дээш харвал нүдэнд дулаахан, цэвэрхэн, өндөөр залуу инээмсэглэн зогсож байлаа.

[...]

Цаснаар-1

Fri, 16 Oct 2009 12:09:50 +0800

Утсан дээрээ тавьсан сэрүүлэгний дуу чангаар жингэнэн дуугарахад Заяа хөнжилдөө улам л шурган босмооргүй санагдаж байсан ч босохоос өөр аргагүй. Өнөөдөр түүний хувьд чухал өдөр. Чухал гэсний учир нь Заяа өнөөдөр Америк улсад зорчих визэнд орох гэж байгаа юм. Өчигдөр шөнөжингөө догдлоод унтаж чадахгүй хөрвөөж хөрвөөж бараг үүрээр унтсаныг хэлэх үү 2 зовхи нь өөрийн мэдэлгүй анилдана. Хөнжилөө толгой дээгүүрээ нөмрөн нэг их тухлан хэвтсэнээ эргэн тийчээд бушуухан босож нойроо сэргээхээр шүршүүрт орох зуураа “өнөөдөр чухал өдөр, өнөөдөр чухал өдөр гэж өөртөө шивнэж байв. [...]

Мөрөөдлийн хайр-20

Tue, 29 Sep 2009 15:48:08 +0800

Саяхан инээн баясаж байсан Солонгоогийн царайд гуниг тодорч ойролцоох сандал дээр очиж суугаад бодолд дарагдав. Хайрыгаа гомдоочихлоо доо. Тэртэй тэргүй бараг өдөр бүр дотуур байрны утас руу залгаж, сая хэдхэн хоногийн өмнө хүртэл гар утас авах мөнгө явуулсан гээд зөндөө их мөнгийг нь үрж байж одоо бас яаж очино гээд баахан мөнгө төлүүлэх гэж дээ. Найз нь энд ирээд мөнгөний үнэ цэнийг сайтар ойлгодог болсоон гэж өөртөө хэлээд байрныхаа зүг урамгүйхэн алхалаа.
[...]

Мөрөөдлийн хайр-19

Thu, 24 Sep 2009 15:38:17 +0800

Улаанбаатар руу нисэж буй онгоцонд суугаад явж байхдаа Хатнаагийн цээжин дээр нэг хүнд зүйл дарчихсан мэт болж 2 тийш салан нисэж буй 2 онгоцны гэрлийн хурдыг 2 биендээ тэмүүлсэн хос зүрх гүйцэж чадахгүй байх шиг бодохуйд сэтгэл нь туйлгүй ихээр хөндүүрлэж сэтгэл зүрхэнд нь ямар их гүнзгий зай эзэлснийг сая мэдэрлээ. Гэхдээ бяцхан хонгор түүнд минь ч бас над шиг хэцүү байгаа даа гэж бодон анх Солонгоотой танилцаж байсан үеээ дурсан өөрийгөө тайвшруулан явлаа.
[...]

Мөрөөдлийн хайр-18

Tue, 25 Aug 2009 05:12:12 +0800

2-лаа орон дээр тэврэлдэн хэвтэхэд Хатнаа –Солонгоо, миний хайр үнэхээр бэлэн байгаа гэж үү гэхэд Солонгоо хуруугаар нь оролдонгоо –Мэдэхгүй ээ, гэхдээ би чамайгаа удаан хүлээлгэмээргүй байна. 2-лаа бие биедээ хайртай л юм чинь цаг хугацаа энд тийм чухал биш ш дээ. Тэгээд ч би одоо нас биед хүрсэн бүсгүй хүн шүү дээ гэж шивэгнэх шахам ярихад Хатнаа –Ухаалаг охин шүү, гэхдээ бие биенээ хайрлаж байгаа хайрандаа л үнэнч байвал энэ заавал баталгаа нь биш шүү дээ. Найзад нь чамтайгаа ингээд цугтаа байгаа маань л хангалттай. Чи минь арай л жаахан байна. Найз нь чамайгаа хүлээж чаднаа гээд зөндөө зүйл ярилцсаар нэг мэдэхэд тэврэлдэн нам унтсан байлаа.

[...]

Мөрөөдлийн хайр-17

Fri, 21 Aug 2009 03:16:56 +0800

5-лаа оройн сэрүү унаж байгаа дээр парк орохоор шийдэж шуугилдан явцгаав. Цайвар цэнхэр өнгийн платье өмсөж үсээ задгай тавьсан Солонгоо Хатнаатай хөтлөлцөн яг л жаахан охин шиг хөөрөн энэ тэрийг сонирхон гүйж байлаа. Мөрөн, Хатнаа , Солонгоо 3-ын яаж сандралдаж байгааг өндрөөс айдаг гэсээр доор үлдсэн Сүхээ, Учка 2 шоолж нулимсаа гартал инээлдэж байлаа.

[...]

Мөрөөдлийн хайр-16

Thu, 20 Aug 2009 01:41:05 +0800

Өрөө сонгох асуудал гарч нөгөө 3 ярилцан нэг өрөөнд орж Хатнаа Солонгоо 2-ыг тусад нь оруулахаар ярилцацгааж байхад Хатнаа санаа нь зовон чимээгүй зогсов. Солонгоо хичнээн эвгүй байсан ч хайртай хүнээсээ хэдэн жил хол байна гэж бодохоор дотор нь харанхуйлж энэ 2-хон хоногийг аз жаргалтай өнгөрөөе гэж шийдэн эргэлзэн зогсоо Хатнаагийн гарнаас хөтлөн –Зүгээр ээ, 2-лаа юмаа оруулъя гэхэд нөгөө 3 нь Хатнаа руу нүд ирмэн дохицгоов. 2 хүний 1 том орны урд зогсоод бие бие рүүгээ гайхсан харцаар харснаа шоолон түсхийтэл инээд алдав.
[...]

Мөрөөдлийн хайр-15

Wed, 19 Aug 2009 07:32:21 +0800

Хаана ч хэзээ ч сонссон танихгүй байхын аргагүй хайртай түүнийхээ ялдам хоолойг сонсоод Солонгоо итгэж ядан эргэж харах тэр мөчид аз жаргал түүнийг бүрхэн авах шиг боллоо.

Олон хүн байгааг ч тоолгүй Хатнаа руу гүйн очиж тэврэн авах тэр мөчдөө төсөөлж байснаасаа ч илүү ихээр санаж, ганцаардсанаа мэдэрлээ. Тэгш өргөн мөрөнд нь наалдан танил дотно үнэрт сэтгэл нь нялхарч дорхноо 2 том нүдэнд нь нулимс цийлэгнээд ирэв.
[...]

Мөрөөдлийн хайр-14

Mon, 17 Aug 2009 02:49:00 +0800

Бүх зүйл нь жин тан болж маргааш үүрээр нисэхээр хөнжилдөө элдвийг бодон хөрвөөн хэвтэхдээ Хатнаагийн хөөрхөн инээмсэглэдэг царайг санан түүнийгээ дэндүү ихээр үгүйлж байлаа. Ядаж нэг удаа ч болов залгаад явах гэж байгаагаа хэлэх юмсан гэж бодовч түүнийхээ дууг сонсоод сэтгэл нь хувирчихаас эмээж тэвчин байлаа. Харин түүндээ зориулж бичсэн захиагаа дэрэн дороосоо гарган дахин нэг уншлаа. [...]

Мөрөөдлийн хайр-13

Fri, 14 Aug 2009 07:25:40 +0800

Үлгэрт гардаг шиг хоромхон хугацаанд болсон аз жаргалтай мөчүүд хийсэн одох шиг, шарлан гундаж байгаа навчисыг ширтэн ганцаараа алхахдаа “Бүх зүйлд хязгаар байдаг. Хүний аз жаргал, хайр сэтгэл, дэлгэрэн ургах энэ сайхан навчис хүртэл хугацаатай” гэж өөртөө шивнэн алхах гунигтай харцтай охин бол
Солонгоо байлаа.
[...]